Advertisement

“ನಾನು ನಟನಾಗಿ ಕೆಲಸ ಮಾಡುವುದಿಲ್ಲ.. : ಅಭಿಮಾನಿಗಳಿಗೆ ಶಾಕ್‌ ಕೊಟ್ಟ ಆಮಿರ್‌ ಖಾನ್‌ ಹೇಳಿಕೆ

12:46 PM Nov 15, 2022 | Team Udayavani |

ಮುಂಬಯಿ: ಮಿಸ್ಟರ್ ಫರ್ಪೆಕ್ಟ್ ಆಮಿರ್‌ ಖಾನ್‌ ಅವರ ʼಲಾಲ್‌ ಸಿಂಗ್‌ ʼ ಬಾಕ್ಸ್‌ ಆಫೀಸ್‌ ನಲ್ಲಿ ಹೇಳಿಕೊಳ್ಳುವಷ್ಟರ ಮಟ್ಟಿಗೆ ಸದ್ದು ಮಾಡಿಲ್ಲ. ಓಟಿಟಿಯಲ್ಲಿ ಪ್ರೇಕ್ಷಕರು ಸಿನಿಮಾವನ್ನು ನೋಡಿ ಮೆಚ್ಚಿಕೊಂಡಿದ್ದರು. ಸದ್ಯ ಆಮಿರ್‌ ಖಾನ್‌ ಹೊಸ ಚಿತ್ರವೊಂದರ ನಿರ್ಮಾಣಕ್ಕೆ ಸಿದ್ದರಾಗಿದ್ದಾರೆ.

Advertisement

ʼಕ್ಯಾಂಪಿಯೋನ್ಸ್ʼ ಎಂಬ  ಸ್ಪ್ಯಾನಿಷ್ ಚಲನಚಿತ್ರದ ರೂಪಾಂತರ( adaptation) ʼಚಾಂಪಿಯನ್ಸ್‌ʼ ಸಿನಿಮಾವನ್ನು ಆಮಿರ್‌ ಖಾನ್‌ ಅವರ ಆಮಿರ್‌ ಪ್ರೂಡಕ್ಷನ್‌, ಸೋನಿ ಪಿಕ್ಚರ್ಸ್‌ ಇಂಡಿಯಾ ಹಾಗೂ 200 ನಾಟ್ ಔಟ್ ಪ್ರೊಡಕ್ಷನ್ಸ್ ನೊಂದಿಗೆ ಜಂಟಿಯಾಗಿ ನಿರ್ಮಾಣ ಮಾಡಲಿದ್ದಾರೆ.

ಇದೊಂದು ಕ್ರೀಡಾ ಕಥೆಯ ಸ್ಪೂರ್ತಿದಾಯಕ ಸಿನಿಮಾವಾಗಿದ್ದು. ಆಮಿರ್‌ ಖಾನ್‌ ಅವರೇ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂದು ಮೊದಲು ಖಾತ್ರಿಯಾಗಿತ್ತು. ಆದರೆ ಈಗ ಯೋಜನೆ ಬದಲಾಗಿದೆ. ಇತ್ತೀಚೆಗೆ ಮಾಧ್ಯಮದ ಮುಂದೆ ಮಾತನಾಡುತ್ತಾ ಆಮಿರ್‌ ಖಾನ್‌ ʼಚಾಂಪಿಯನ್ಸ್‌ʼ ಸಿನಿಮಾದಲ್ಲಿ ನಟಿಸುವುದಿಲ್ಲ ಎಂದಿದ್ದಾರೆ.

“ನಾನು 35 ವರ್ಷಗಳಿಂದ ಸಿನಿಮಾರಂಗದಲ್ಲಿ ನಟಿಸುತ್ತಿದ್ದೇನೆ. ಈ ವರ್ಷಗಳಲ್ಲಿ ನಾನು ಸಂಪೂರ್ಣವಾಗಿ ನನ್ನ ಕೆಲಸದ ಮೇಲೆ ಗಮನ ಹರಿಸಿದ್ದೇನೆ. ನನ್ನ ಆತ್ಮೀಯರಾದವರಿಗೆ ನನ್ನ ನಿರ್ಣಯ ಸರಿಯಲ್ಲ ಎಂದು ಅನ್ನಿಸಬಹುದು. ಆದರೆ ನನ್ನ ಪ್ರಕಾರ  ನಾನು ಅವರಿಂದ ದೂರವಿರುವುದು ಸರಿ ಎಂದು ಅನ್ನಿಸುತ್ತದೆ. ಜೀವನವನ್ನು ಬೇರೊಂದು ಮಾರ್ಗದಲ್ಲಿಯೂ ಅನುಭವಿಸಬೇಕು. ಮುಂದಿನ ಒಂದೂವರೆ ವರ್ಷ ನಾನು ನಟನಾಗಿ ಕೆಲಸ ಮಾಡುವುದಿಲ್ಲ” ಎಂದು ಹೇಳಿದ್ದಾರೆ.

ನಾನು ನಟನೆಯಿಂದ ಬ್ರೇಕ್‌ ತೆಗೆದುಕೊಂಡು ನನ್ನ ಕುಟುಂಬ, ಮಕ್ಕಳು,ತಾಯಿಯೊಂದಿಗೆ ಸಮಯ ಕಳೆಯುತ್ತೇನೆ  ಎಂದು ಆಮಿರ್‌ ಹೇಳಿದ್ದಾರೆ.

Advertisement

ʼಲಾಲ್‌ ಸಿಂಗ್‌ ಚಡ್ಡಾʼ ಚಿತ್ರಕ್ಕೆ ಟ್ವಿಟರ್‌ ನಲ್ಲಿ ಬಾಯ್ಕಾಟ್‌ ಕೂಗು ಕೇಳಿ ಬಂದಿತ್ತು. ಇದರಿಂದ ಸಿನಿಮಾಕ್ಕೆ ಹೊಡೆತ ಬಿದ್ದಿತ್ತು. ಬಹುಶಃ ಆ ಕಾರಣದಿಂದಲೂ ಆಮಿರ್‌ ಈ ನಿರ್ಧಾರವನ್ನು ತೆಗೆದುಕೊಂಡಿರಬಹುದು ಎಂದು ಕೆಲ ಅಭಿಮಾನಿಗಳು ಊಹಿಸಿದ್ದಾರೆ. ಕಾಜೂಲ್‌ ನಟನೆಯ ʼಸಲಾಂ ವೆಂಕಿʼ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಆಮಿರ್‌ ಖಾನ್‌ ಕಾಣಿಸಿಕೊಂಡಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next