Kollur; ಯುವಕ ನಾಪತ್ತೆ; ದೂರು ದಾಖಲು

ಕೊಲ್ಲೂರು: ಜಡ್ಕಲ್‌ ಗ್ರಾ.ಪಂ.ವ್ಯಾಪ್ತಿಯ ನಿವಾಸಿ ಮಂಜ ಅವರ ಪುತ್ರ ಸುರೇಶ(28) ಅವರು ನಾಪತ್ತೆಯಾದ ಬಗ್ಗೆ ಕೊಲ್ಲೂರು ಠಾಣೆಯಲ್ಲಿ ದೂರು ದಾಖಲಾಗಿದೆ.

ಆತ ಜು.22 ರಂದು ರಾತ್ರಿ 8 ಗಂಟೆಗೆ ಮನೆಮಂದಿಯೊಡನೆ ಊಟ ಮಾಡಿ ಮನೆಯಲ್ಲಿ ಮಲಗಿದ್ದರು. ಜು.23 ರಂದು ಬೆಳಗ್ಗೆ 6 ಗಂಟೆಗೆ ಮನೆಯವರು ಎದ್ದು ನೋಡುವಾಗ ಸುರೇಶ ಕಾಣೆಯಾಗಿದ್ದರು.

ಸಮೀಪದ ಕಾಡು, ಹೊಳೆ ಇನ್ನಿತರ ಪ್ರದೇಶದಲ್ಲಿ ಹುಡುಕಾಡಿದ ಸಂಬಂಧಿಕರು, ನಾಪತ್ತೆಯಾದ ಬಗ್ಗೆ ಕೊಲ್ಲೂರು ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿದ ಪೋಲಿಸರು ತನಿಖೆ ನಡೆಸುತ್ತಿದ್ದಾರೆ.