ಸ್ಕೂಟರ್‌ ಬಿದ್ದು ಓರ್ವನಿಗೆ ಗಾಯ

ಕುಂದಾಪುರ: ಕೋಟೇಶ್ವರ ಗ್ರಾಮದ ಮಾಲ್‌ ಹತ್ತಿರದ ಹೆದ್ದಾರಿಯಲ್ಲಿ ಅವಿನಾಶ್‌ ಅವರು ಚಲಾಯಿಸುತ್ತಿದ್ದ ಸ್ಕೂಟರ್‌ ವಿರುದ್ಧ ದಿಕ್ಕಿನಿಂದ ಬಂದು ರಸ್ತೆ ದಾಟಲು ನಿಂತುಕೊಂಡಿದ್ದ ಶಶಿಧರ ಶೆಟ್ಟಿ ಅವರಿಗೆ ಢಿಕ್ಕಿಯಾಗಿ ಬಿದ್ದ ಪರಿಣಾಮ ಸಹ ಸವಾರ ನರಸಿಂಹ ಗಾಯಗೊಂಡ ಘಟನೆ ಎ. 3ರ ಸಂಜೆ ಸಂಭವಿಸಿದೆ.

ಗಾಯಾಳುವನ್ನು ಕೋಟೇಶ್ವರದ ಖಾಸಗಿ ಆಸ್ಪತ್ರೆಗೆ, ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕುಂದಾಪುರ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.