ತೀರ್ಥಹಳ್ಳಿಯಲ್ಲಿ ವೈಭವದ ಜಾತ್ರೆ; ಬುರ್ಖಾ ಧರಿಸಿದ್ದ ಅನಾಮಧೇಯ ವ್ಯಕ್ತಿ ಪತ್ತೆ !

ತೀರ್ಥಹಳ್ಳಿ: ಪುರಾಣ ಪ್ರಸಿದ್ಧ ಶ್ರೀರಾಮೇಶ್ವರ ದೇವರ ಎಳ್ಳಮಾವಾಸ್ಯೆ ಜಾತ್ರೆ ಅತ್ಯಂತ ವೈಭವದಿಂದ ನಡೆಯುತ್ತಿದ್ದು, ಈ ವೇಳೆ ಬುರ್ಖಾ ಧರಿಸಿದ್ದ ಅನಾಮಧೇಯ ವ್ಯಕ್ತಿ ಪತ್ತೆಯಾಗಿ ಪೊಲೀಸರು ಹಿಡಿದು ಕರೆದೊಯ್ದ ಘಟನೆ ವರದಿಯಾಗಿದೆ.

ರಥಬೀದಿಯಿಂದ ಮೀಲ್ಕೆರಿ ರಸ್ತೆ ಸಂಪರ್ಕಿಸುವ ಜಾಗದಲ್ಲಿ ಜಾಯಿಂಟ್ ವೀಲ್ ಹಾಕಲಾಗಿದ್ದು ,ಆ ಜಾಗದಲ್ಲಿ ಬುರ್ಖಾ ಧರಿಸಿದ್ದ ಅನಾಮಧೇಯ ವ್ಯಕ್ತಿಯೋರ್ವ ಪೋಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಆತನ ಬಳಿ ಕೆಂಪು ಬಣ್ಣದ ಬ್ಯಾಗ್ ಇತ್ತು ಎನ್ನಲಾಗಿದ್ದು, ಆ ವ್ಯಕ್ತಿ ಯಾರು? ಅಷ್ಟಕ್ಕೂ ಆ ವ್ಯಕ್ತಿ ಬುರ್ಖಾ ಧರಿಸಿ ಓಡಾಟ ನಡೆಸುತ್ತಿದ್ದಿದ್ದು ಯಾಕೆ? ಎಂಬ ಅನುಮಾನವನ್ನು ಸ್ಥಳದಲ್ಲಿದ್ದವರು ಮಾತನಾಡುತ್ತಿದ್ದಾರೆ.

ಈಗ ಬುರ್ಖಾ ಧರಿಸಿ ಓಡಾಟ ನಡೆಸುತ್ತಿದ್ದ ಅನಾಮಧೇಯ ವ್ಯಕ್ತಿಯನ್ನು ಪೊಲೀಸರು ಠಾಣೆಗೆ ಕರೆದೊಯ್ದಿದ್ದು ತನಿಖೆ ನಡೆಸುತ್ತಿದ್ದಾರೆ. ಜಾತ್ರೆಯ ವೇಳೆ ನಡೆದಿರುವ ಈ ಘಟನೆ ಹಲವರಲ್ಲಿ ಅನುಮಾನದ ಜೊತೆಗೆ ಭಯವನ್ನು ಹುಟ್ಟಿಸಿದೆ.

ಇನ್ನಷ್ಟು ಮಾಹಿತಿ ಪೊಲೀಸ್ ತನಿಖೆ ಬಳಿಕ ತಿಳಿಯಬೇಕಿದೆ.