Mobile: ದೇಶದಲ್ಲೇ ಈಗ ಶೇ.99.2 ಮೊಬೈಲ್‌ ಉತ್ಪಾದನೆ!: ಅಶ್ವಿ‌ನಿ ವೈಷ್ಣವ್‌

ಹೊಸದಿಲ್ಲಿ: ದೇಶವನ್ನು ಉತ್ಪಾದನ ಕ್ಷೇತ್ರದ ಪ್ರಧಾನ ಕೇಂದ್ರವನ್ನಾಗಿ ಮಾಡಬೇಕು ಎಂಬ ಪ್ರಧಾನಿ ಮೋದಿಯವರ ಕನಸು ನನಸಾಗುವತ್ತ ಸಾಗಿದೆ. ದೇಶದಲ್ಲಿಯೇ ಈಗ ಪ್ರಮುಖ ಕಂಪೆನಿಗಳ ಮೊಬೈಲ್‌ ಅನ್ನು ಉತ್ಪಾದಿಸಲಾಗುತ್ತಿದೆ ಎಂದು ಕೇಂದ್ರ ದೂರಸಂಪರ್ಕ ಸಚಿವ ಅಶ್ವಿ‌ನಿ ವೈಷ್ಣವ್‌ ಹೇಳಿದ್ದಾರೆ.

ದೇಶದ ಮೊಬೈಲ್‌ ಕ್ಷೇತ್ರ 9 ವರ್ಷಗಳ ಅವಧಿಯಲ್ಲಿ 20 ಬಾರಿ ಬೆಳವಣಿಗೆ ಸಾಧಿಸಿದೆ ಎಂದು ಅವರು ಟ್ವೀಟ್‌ ಮಾಡಿದ್ದಾರೆ. 2014ರಲ್ಲಿ ಶೇ.78 ಮೊಬೈಲ್‌ಗ‌ಳನ್ನು ಆಮದು ಮಾಡಿಕೊಳ್ಳುವ ಮೂಲಕ ಇತರ ದೇಶಗಳನ್ನು ಅವಲಂಬಿ ಸಬೇಕಾಗುತ್ತಿತ್ತು. ಪ್ರಸಕ್ತ ಸಾಲಿನಲ್ಲಿ ಶೇ.99.2ರಷ್ಟು ಫೋನ್‌ಗಳನ್ನು ದೇಶದಲ್ಲಿಯೇ ಉತ್ಪಾದಿಸಲಾಗಿದೆ. ಈ ಮೂಲಕ ಪ್ರಮುಖ ಕಂಪೆನಿಗಳ ಉತ್ಪನ್ನಗಳು ಮೇಡ್‌ ಇನ್‌ ಇಂಡಿಯಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ ಎಂದು ಟ್ವೀಟ್‌ ಮಾಡಿದ್ದಾರೆ. ಅದಕ್ಕೆ ಪೂರಕವಾಗಿ ಕೇಂದ್ರ ಸಚಿವ ಅಶ್ವಿ‌ನಿ ವೈಷ್ಣವ್‌ ದೂರಸಂಪರ್ಕ ಕ್ಷೇತ್ರದ ಪ್ರಮುಖರ ಜತೆಗೆ ಸಭೆಯನ್ನೂ ನಡೆಸಿದ್ದಾರೆ.