ಅಂಬೇವಾಡಿ- ಮೌಳಂಗಿ ರಸ್ತೆಗೆ 90 ಲಕ್ಷ  ರೂ ಬಿಡುಗಡೆ

ದಾಂಡೇಲಿ: ಅಂಬೇವಾಡಿ- ಮೌಳಂಗಿ ಮುಖ್ಯ ರಸ್ತೆಗೆ ರಾಜ್ಯ ಸರಕಾರ 90 ಲಕ್ಷ ರೂಪಾಯಿಯನ್ನು ಬಿಡುಗಡೆ ಮಾಡಿರುವುದಕ್ಕೆ ಅಂಬೇವಾಡಿ ಗ್ರಾಮ ಪಂಚಾಯತಿಯ ಸದಸ್ಯ ಬಸವರಾಜ ಹುಂಡೇಕರ ಅವರು ಅಂಬೇವಾಡಿಯಲ್ಲಿ ಶನಿವಾರ ಸಂಜೆ ಮಾಧ್ಯಮದ ಮೂಲಕ ರಾಜ್ಯ ಸರಕಾರಕ್ಕೆ, ಜಿಲ್ಲಾ ಉಸ್ತುವಾರಿ ಸಚಿವರಾದ ಶಿವರಾಮ ಹೆಬ್ಬಾರ್ ಅವರಿಗೆ ಹಾಗೂ ಮಾಜಿ ಶಾಸಕರಾದ ಸುನೀಲ ಹೆಗಡೆಯವರ ವಿಶೇಷ ಪ್ರಯತ್ನಕ್ಕೆ ಕೃತಜ್ಞತೆಯನ್ನು ಸಲ್ಲಿಸಿದ್ದಾರೆ.

ಈ ರಸ್ತೆ ದುರಸ್ತಿಗಾಗಿ ಆಗ್ರಹಿಸಿ ಬಿಜೆಪಿ ಕಾರ್ಯಕರ್ತರು ಹಾಗೂ ಗಾವಠಾನ, ನವಗ್ರಾಮದ ಗ್ರಾಮಸ್ಥರು ಸೇರಿ ಎರಡೆರಡು ಬಾರಿ ಮನವಿ ನೀಡಿರುವುದಲ್ಲದೆ, ಪ್ರತಿಭಟನೆಯನ್ನು ಹಮ್ಮಿಕೊಳ್ಳಲಾಗಿತ್ತು. ಇವೆಲ್ಲವುಗಳ ಫಲವಾಗಿ ಇದೀಗ ರಾಜ್ಯ ಸರಕಾರದಿಂದ 90 ಲಕ್ಷ ರೂಪಾಯಿ ಹಣ ಬಿಡುಗಡೆಯಾಗಿದೆ ಎಂದು ಬಸವರಾಜ ಹುಂಡೇಕರ ಅವರು ಸಂತಸವನ್ನು ವ್ಯಕ್ತಪಡಿಸಿದರು.