8 ಕೆ.ಜಿ. ಚಾಕ್ಲೇಟ್‌ ಹಂಚಿದ ಮೋದಿಯ ಬಡ ಅಭಿಮಾನಿ!

ಕುಂದಾಪುರ: ದೇಶದಲ್ಲಿ ಮತ್ತೆ ಎನ್‌ಡಿಎಗೆ ಗೆಲುವು ಸಿಕ್ಕಿದ್ದಕ್ಕೆ, ಗುರುವಾರ ನರೇಂದ್ರ ಮೋದಿ ಅವರನ್ನು ಬೆಂಬಲಿಸುವ ಬಡ ಅಭಿಮಾನಿ, ಗುಜರಿ ಮಾರುವ ವಕ್ವಾಡಿಯ ಮೊಹಮ್ಮದ್‌ ಅವರು ತನ್ನ ಊರಿನಲ್ಲಿ 8 ಕೆ.ಜಿ. ಚಾಕೊಲೇಟ್‌ ಹಂಚಿ ಸಂಭ್ರಮಿಸಿದರು.

5 ವರ್ಷದ ಹಿಂದೆ ಮೋದಿ ಗೆದ್ದು, ಮೊದಲ ಬಾರಿಗೆ ಆಡಳಿತದ ಚುಕ್ಕಾಣಿ ಹಿಡಿದಾಗಲೂ ಇವರು 5 ಕೆ.ಜಿ. ಸಿಹಿ ತಿಂಡಿ ನೀಡಿದ್ದರು. ಬಡತನ ಇದ್ದರೂ, ಅನಾರೋಗ್ಯದಿಂದ ಬಳಲುತ್ತಿದ್ದರೂ, ತನ್ನ ಮೆಚ್ಚಿನ ನಾಯಕ ಮತ್ತೂಮ್ಮೆ ಗೆದ್ದಿದ್ದಾರೆ ಎನ್ನುವ ಖುಷಿಯನ್ನು ಊರವರೊಂದಿಗೆ ಹಂಚಿಕೊಂಡರು. ಮೋದಿ ಅವರನ್ನು ನೇರವಾಗಿ ಕಾಣುವ ಅಭಿಲಾಷೆಯನ್ನು ಅವರು ಇದೇ ವೇಳೆ ವ್ಯಕ್ತಪಡಿಸಿದ್ದಾರೆ.