ನವದೆಹಲಿ : ಮನುಷ್ಯನಿಗೆ 60 ವರ್ಷ ಕಳೆದ ಮೇಲೆ ಅರುಳು ಮರುಳು ಅಂತಾರೆ. ಆದ್ರೆ ಕೆಲವು ಮಂದಿ ಮಾತ್ರ 60 ವರ್ಷ ಕಳೆದ ಮೇಲೂ ಸಖತ್ ಆಕ್ಟೀವ್ ಆಗ್ತಾರೆ. ಇದಕ್ಕೆ ಸಾಕ್ಷಿಯಾಗಿದ್ದಾರೆ, ರಷ್ಯಾ ದೇಶದ ವ್ಲಾಡಿಮಿರ್ ಇಲಿಚ್ ಸೆಡಕೋವ್. ಇವರು ತಮ್ಮ ದೇಹದ ಮೇಲೆ ಬರೋಬ್ಬರಿ 60 ಟ್ಯಾಟೂಗಳನ್ನು ಹಾಕಿಸಿಕೊಂಡು ಎಲ್ಲರ ಗಮನ ಸೆಲೆಯುತ್ತಾರೆ.
ವ್ಲಾಡಿಮಿರ್ ಇಲಿಚ್ ಸೆಡಕೋವ್ ಅವರಿಗೆ ಸದ್ಯ 74 ವರ್ಷ. ಈ ವಯಸ್ಸಿನಲ್ಲೂ ತುಂಬಾ ಸ್ಟೈಲಿಶ್ ಉಡುಪು ಧರಿಸಿ ನೋಡುಗರನ್ನು ರಂಜಿಸುತ್ತಾರೆ. ಇವರು ಸಾಹಿತಿ ಕೂಡ ಆಗಿದ್ದು ಕವಿತೆಗಳನ್ನೂ ಬರೆಯುತ್ತಾರಂತೆ.
ಅಲ್ಲದೆ ಚಿತ್ರಕಲೆ ಮಾಡುತ್ತಾರಂತೆ. ಇನ್ನೂ ವಿಶೇಷ ಏನಂದ್ರೆ ಇವರು ತಾವೇ ಚಿತ್ರ ವಿಚಿತ್ರವಾದ ಬಟ್ಟೆಗಳನ್ನು ತಮ್ಮ ಕಯ್ಯಾರ ಹೆಣೆಯುತ್ತಾರಂತೆ. ಇತ್ತೀಚೆಗೆ ಮೇಕೆಯ ಮೇಲೆ ಕುಳಿತುಕೊಂಡು ಪೋಸ್ ನೀಡಿರುವ ವ್ಲಾಡಿಮಿರ್ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು.
ಟ್ಯಾಟೂ ಕ್ರೇಜ್ ಬಗ್ಗೆ ವ್ಲಾಡಿಮಿರ್ ಅವರನ್ನು ಕೇಳಿದರೆ, ಇದು ನನಗೆ ಖುಷಿ ನೀಡುತ್ತದೆ ಮತ್ತು ಶಕ್ತಿ ನೀಡುತ್ತದೆ. ನನ್ನ 60 ಟ್ಯಾಟೂಗಳು ನನ್ನ ಖುಷಿ ಹಿಂದಿರುವ ಗುಟ್ಟು ಎನ್ನುತ್ತಾರೆ. ಮುಂದಿನ ದಿನಗಳಲ್ಲಿ ನನ್ನ ಸಂಪೂರ್ಣ ದೇಹದ ತುಂಬ ಹಚ್ಚೆ ಹಾಕಿಸಿಕೊಳ್ಳುವ ಆಸೆ ಇದೆ ಎಂದಿದ್ದಾರೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಟ್ಯಾಟೂ ತಾತ, ನನ್ನ ಜೀವನದಲ್ಲಿ ಅಹಿತಕರ ಭಾವನೆಯ ವಿರುದ್ಧದ ಹೋರಾಟದಲ್ಲಿ ಟ್ಯಾಟೂ ನನಗೆ ಶಕ್ತಿಯುತ ಸಾಮರ್ಥ್ಯವನ್ನು ನೀಡುತ್ತಿರುವುದರಿಂದ ನನಗೆ ಹಚ್ಚೆ ಬೇಕು. ಇದು ನನಗೆ ಶಕ್ತಿಯನ್ನು ನೀಡುತ್ತದೆ, ಮತ್ತು ಹಿಂದಿನ ನೆನಪುಗಳನ್ನು ಸಹ ತರುತ್ತದೆ ಎಂದಿದ್ದಾರೆ.
