ದೇಶದಲ್ಲಿ ಶೇ.70ರಷ್ಟು ಡಿಜಿಟಲ್‌ ಮೂಲಸೌಕರ್ಯ ಕೊರತೆ

ನವದೆಹಲಿ: ಡಿಜಿಟಲ್‌ ಸೇವೆಗಳನ್ನು ನೀಡುವಲ್ಲಿ ದೇಶ ಮುಂಚೂಣಿಯಲ್ಲಿದೆ ನಿಜ. ಆದರೆ, ಅದಕ್ಕೆ ಬೇಕಾಗಿರುವ ಮೂಲಸೌಕರ್ಯಗಳ ಜಗತ್ತಿನ ರ್‍ಯಾಂಕಿಂಗ್‌ನಲ್ಲಿ ದೇಶಕ್ಕೆ 59ನೇ ಸ್ಥಾನ ಇದೆ.

ದೇಶದಲ್ಲಿ ಶೇ.70ರಷ್ಟು ಪ್ರಮಾಣದಲ್ಲಿ ಇ-ಮೂಲಸೌಕರ್ಯಗಳ ಕೊರತೆ ಭಾರೀ ಪ್ರಮಾಣದಲ್ಲಿ ಇದೆ ಎಂಬ ಬಗ್ಗೆ ವರ್ಚುವಲ್‌ ಪ್ರೈವೆಟ್‌ ನೆಟ್‌ವರ್ಕ್‌ ಸೇವೆ ಒದಗಿಸುವ ಸಫ್ ಶಾರ್ಕ್‌ ಕಂಪನಿಯ ಅಧ್ಯಯನದಲ್ಲಿ ಉಲ್ಲೇಖಿಸಲಾಗಿದೆ. ಈ ಪಟ್ಟಿಯಲ್ಲಿ ಡೆನ್ಮಾರ್ಕ್‌ ಮೊದಲ ಸ್ಥಾನದಲ್ಲಿ ಇದೆ.

ಭಾರತದಲ್ಲಿ ಇಂಟರ್‌ನೆಟ್‌ ಗುಣಮಟ್ಟ ಸಾಧಾರಣ. ಮೊಬೈಲ್‌ ಇಂಟರ್‌ನೆಟ್‌ ಸೇವೆಗೆ ಹೋಲಿಕೆ ಮಾಡಿದರೆ ಬ್ರಾಡ್‌ಬ್ಯಾಂಡ್‌ ಇಂಟರ್‌ನೆಟ್‌ ಸೇವೆ ಉತ್ತಮ ಎಂದು ಕಂಪನಿ ತನ್ನ ಅಧ್ಯಯನದಲ್ಲಿ ಹೇಳಿಕೊಂಡಿದೆ.

ಭಾರತದಲ್ಲಿ ಮೊಬೈಲ್‌ ಇಂಟರ್‌ನೆಟ್‌ ವೇಗದಲ್ಲಿ 108ನೇ ಸ್ಥಾನ, ಫಿಕ್ಸೆಡ್‌ ಬ್ರಾಡ್‌ಬ್ಯಾಂಡ್‌ ಇಂಟರ್‌ನೆಟ್‌ ಸೇವೆಯಲ್ಲಿ ಜಗತ್ತಿನಲ್ಲಿ 61ನೇ ಸ್ಥಾನ ಪಡೆದುಕೊಂಡಿದೆ. ಜನಸಾಮಾನ್ಯರಿಗೆ ಇಂಟರ್‌ನೆಟ್‌ ಕೈಗೆಟಕುವ ರಾಷ್ಟ್ರಗಳ ಪೈಕಿ ಭಾರತ ದೇಶಕ್ಕೆ 21ನೇ ಸ್ಥಾನವನ್ನು ಈ ವರದಿಯಲ್ಲಿ ಕಲ್ಪಿಸಲಾಗಿದೆ.