ಸೋಂಕು ದೃಢಪಟ್ಟ ಮಹಿಳೆಗೆ 6 ಡೋಸ್‌ ಲಸಿಕೆ ಕೊಟ್ಟ ನರ್ಸ್‌

ರೋಮ್‌: ಇಟಲಿಯ ಟಸ್ಕಾನಿ ನಗರದಲ್ಲಿ ಕೊರೊನಾ ಸೋಂಕು ದೃಢಪಟ್ಟು ಆಸ್ಪತ್ರೆಗೆ ದಾಖಲಾಗಿದ್ದ ಮಹಿಳೆಗೆ ಆರು ಡೋಸ್‌ ಫೈಜರ್‌ ಬಯಾನ್‌ಟೆಕ್‌ ಲಸಿಕೆ ನೀಡಲಾಗಿದೆ. ಆಕೆಯನ್ನು ಈಗ ಡಿಸಾcರ್ಜ್‌ ಮಾಡಲಾಗಿದೆ.

ಇದರ ಹೊರತಾಗಿಯೂ ಮಹಿಳೆಯ ಆರೋಗ್ಯ ಸ್ಥಿತಿಯ ಮೇಲೆ ನಿಗಾ ಇರಿಸಲಾಗುತ್ತಿದೆ. ರವಿವಾರ (ಮೇ 9) ಆರೋಗ್ಯ ಕಾರ್ಯಕರ್ತೆಯೊಬ್ಬರು ಬಾಕ್ಸ್‌ನಲ್ಲಿದ್ದ ಆರು ಡೋಸ್‌ ಲಸಿಕೆಯನ್ನು ಸಿರಿಂಜ್‌ಗೆ ಪೂರ್ತಿಯಾಗಿ ತುಂಬಿ ಕೊಂಡು ಮಹಿಳೆಗೆ ನೀಡಿದ್ದಾರೆ.

ಲಸಿಕೆ ನೀಡಿಕೆ ಪೂರ್ತಿಯಾದ ಬಳಿಕ ಆರೋಗ್ಯ ಕಾರ್ಯಕರ್ತೆಗೆ ತಮ್ಮ ತಪ್ಪಿನ ಅರಿವು ಉಂಟಾಯಿತು. ಈ ಬಗ್ಗೆ ಆಸ್ಪತ್ರೆ ವತಿಯಿಂದ ತನಿಖೆ ಆರಂಭಿಸಲಾಗಿದೆ. “ಇದೊಂದು ಕಣ್ತಪ್ಪಿನಿಂದ ಉಂಟಾದ ತಪ್ಪು. ಉದ್ದೇಶ ಪೂರ್ವಕವಲ್ಲ’ ಎಂದು ಆಸ್ಪತ್ರೆ ವಕ್ತಾರರು ತಿಳಿಸಿದ್ದಾರೆ.