ಡಬ್ಲ್ಯುಪಿಎಲ್‌ ಹರಾಜಿಗೆ 409 ಕ್ರಿಕೆಟಿಗರು

ಹೊಸದಿಲ್ಲಿ: ವನಿತಾ ಪ್ರೀಮಿಯರ್‌ ಲೀಗ್‌ನ (ಡಬ್ಲ್ಯುಪಿಎಲ್‌) ಮಹತ್ವದ ಹರಾಜು ಪ್ರಕ್ರಿಯೆಗೆ ಇನ್ನು ಕೆಲವೇ ದಿನಗಳು ಬಾಕಿ. ಫೆ. 13ರಂದು ಮುಂಬಯಿಯಲ್ಲಿ ಈ ಹರಾಜು ನಡೆಯಲಿದೆ. ಮಂಗಳವಾರದ ವರದಿಯಂತೆ ಒಟ್ಟು 409 ಆಟಗಾರ್ತಿಯರು ಹರಾಜು ವ್ಯಾಪ್ತಿಗೆ ಬರಲಿದ್ದಾರೆ.

ಮೊದಲ ವನಿತಾ ಪ್ರೀಮಿಯರ್‌ ಲೀಗ್‌ಗಾಗಿ ಒಟ್ಟು 1,525 ಆಟಗಾರ್ತಿಯರು ನೋಂದಣಿ ಮಾಡಿಕೊಂಡಿದ್ದರು.

ಅಂತಿಮವಾಗಿ 409 ಕ್ರಿಕೆಟಿಗರು ಹರಾಜಿಗೆ ಆಯ್ಕೆಗೊಂಡಿದ್ದಾರೆ. ಇದರಲ್ಲಿ 246 ಆಟಗಾರ್ತಿಯರು ಭಾರತೀಯರಾದರೆ, 163 ಮಂದಿ ವಿದೇಶಿಗರು.

ಕೂಟದಲ್ಲಿ ಒಟ್ಟು 5 ತಂಡಗಳು ಪಾಲ್ಗೊಳ್ಳಲಿವೆ. ತಂಡವೊಂದರಲ್ಲಿ ಗರಿಷ್ಠ 18 ಆಟಗಾರ್ತಿಯರಿಗೆ ಅವಕಾಶವಿದೆ. ಆ ಪ್ರಕಾರ 90 ಆಟಗಾರ್ತಿಯರು ಅಂತಿಮ ಆಯ್ಕೆಯ ವ್ಯಾಪ್ತಿಗೆ ಬರಲಿದ್ದಾರೆ. ಇದರಲ್ಲಿ 30 ವಿದೇಶಿ ಆಟಗಾರ್ತಿಯರು.