ನೆಕ್ಕಿಲಾಡಿ ಕೊಟ್ಟಿಗೆ ಮೇಲೆ ಧರೆ ಜರಿದು 4 ದನಗಳು ದಾರುಣ ಸಾವು 

ಪುತ್ತೂರು: ದನದ ಕೊಟ್ಟಿಗೆಯ ಮೇಲೆ ಧರೆ ಜರಿದು ಕೊಟ್ಟಿಗೆಯಲ್ಲಿದ್ದ ನಾಲ್ಕು ದನಗಳು ದಾರುಣವಾಗಿ ಸಾವನ್ನಪ್ಪಿದ ಘಟನೆ ಪುತ್ತೂರು ತಾಲೂಕಿನ ಮರ್ಧಾಳ 102ನೇ ನೆಕ್ಕಿಲಾಡಿ ಗ್ರಾಮದಲ್ಲಿ ಶನಿವಾರ ಸಂಜೆ ಸಂಭವಿಸಿದೆ. 

ಸುಭಾಷ್ ರೈ ಕುಡಾಲ ಎಂಬುವವರಿಗೆ ಸೇರಿದ ದನಗಳಾಗಿದ್ದು ಕಳೆದೆರಡು ದಿನಗಳಿಂದ ನಿರಂತರ ಸುರಿಯುತ್ತಿರುವ ಮಳೆಗೆ ಧರೆ ಜರಿದು ಕೊಟ್ಟಿಗೆಯ ಮೇಲೆ ಬಿದ್ದಿದ್ದು ಈ ಸಂದರ್ಭ ಕೊಟ್ಟಿಗೆಯಲ್ಲಿದ್ದ ನಾಲ್ಕು ದನಗಳು ಮಣ್ಣಿನಡಿ ಸಿಲುಕಿ ಸಾವನ್ನಪ್ಪಿದೆ, ಧರೆ ಜರಿದ ಪರಿಣಾಮ ಕೊಟ್ಟಿಗೆ ಸಂಪೂರ್ಣ ನೆಲಸಮಗೊಂಡಿದೆ.