Hinduja ಕುಟುಂಬಕ್ಕೆ 4.5 ವರ್ಷ ಶಿಕ್ಷೆ:ಹೈಕೋರ್ಟ್‌ಗೆ

ಬರ್ನ್: ಕಾರ್ಮಿಕರ ಮೇಲೆ ದೌರ್ಜನ್ಯ ವೆಸಗಿದ ಅಪರಾಧಕ್ಕೆ ಬ್ರಿಟನ್‌ ಮೂಲದ ಕೋಟ್ಯಧಿಪತಿ ಹಿಂದೂಜಾ ಕುಟುಂಬಕ್ಕೆ ಸ್ವಿಸ್‌ ಕೋರ್ಟ್‌ 4.5 ವರ್ಷ ಜೈಲು ಶಿಕ್ಷೆ ವಿಧಿಸಿದ ಬೆನ್ನಲ್ಲೇ, ತೀರ್ಪಿನ ವಿರುದ್ಧ ಹಿಂದೂಜಾ ಕುಟುಂಬ ಪರ ವಕೀಲರು ಹೈಕೋರ್ಟ್‌ ಮೊರೆ ಹೋಗಿದ್ದಾರೆ.

ಪ್ರಕಾಶ್‌ ಹಿಂದೂಜಾ ಪತ್ನಿ ಕಮಲ, ಪುತ್ರ ಅಜಯ್‌ ಹಾಗೂ ಸೊಸೆ ನಮ್ರತಾ ಮಾನವ ಕಳ್ಳಸಾಗಣೆ ಆರೋಪದಿಂದ ಮುಕ್ತರಾಗಿದ್ದಾರೆ. ಜತೆಗೆ ಹಿಂದೂಜಾ ಕುಟುಂಬದ ವಿರುದ್ಧ ದೂರು ನೀಡಿದ್ದ ಅರ್ಜಿದಾರರು ದೂರು ಹಿಂಪಡೆದು ಕೊಂಡಿದ್ದಾರೆ. ಅವರು ಕಾರ್ಮಿಕರ ಮೇಲೆ ದೌರ್ಜನ್ಯವೆಸಗಿಲ್ಲ. ಗೌರವಯು ತವಾಗಿ ನಡೆಸಿಕೊಂಡು, ವಸತಿ ಸೌಲಭ್ಯ ವನ್ನೂ ನೀಡಿದ್ದಾರೆ ಎಂದು ಹಿಂದೂಜಾ ಪರ ವಕೀಲರು ವಾದಿಸಿದ್ದಾರೆ.

ಜಿನಿವಾದಲ್ಲಿನ ತಮ್ಮ ಐಷಾರಾಮಿ ಬಂಗಲೆಯಲ್ಲಿ ಹಿಂದೂಜಾ ಕುಟುಂಬ ಕಾರ್ಮಿಕರ ಪಾಸ್‌ಪೋರ್ಟ್‌ ಜಪ್ತಿ ಮಾಡಿ, ಬಂಗಲೆಯಿಂದ ಹೊರಗೂ ಬಿಡದೇ ಒತ್ತಾಯಪೂರ್ವಕವಾಗಿ ಕೆಲಸ ಮಾಡಿಸಿದ್ದರು. ಕೆಲವು ಕಾರ್ಮಿಕರು ಅನಕ್ಷರಸ್ಥರಾಗಿದ್ದು, ಅವರ ಸಂಬಳ ಕೈಗೆ ನೀಡದೆ, ರೂಪಾಯಿ ಮೌಲ್ಯದಲ್ಲಿ ಬ್ಯಾಂಕ್‌ ಖಾತೆಗಳಿಗೆ ಹಾಕಲಾಗುತ್ತಿತ್ತು ಎಂಬ ಆರೋಪಗಳು ಹಿಂದೂಜಾ ಕುಟುಂಬದ ಮೇಲೆ ಕೇಳಿ ಬಂದಿದ್ದವು.