ದಾವಣಗೆರೆ :  386 ಜನರಿಗೆ ಕೋವಿಡ್ ಪಾಸಿಟಿವ್; ಆರು ಬಲಿ

ದಾವಣಗೆರೆ: ಕೋವಿಡ್ ಸೋಂಕಿನಿಂದ ಶನಿವಾರ ಜಿಲ್ಲೆಯಲ್ಲಿ  ಆರು ಜನರು ಮೃತಪಟ್ಟಿದ್ದಾರೆ. 386 ಕೋವಿಡ್ ಪಾಸಿಟಿವ್ ಪ್ರಕರಣಗಳು ವರದಿಯಾಗಿದ್ದು  203 ಜನರು ಗುಣಮುಖರಾಗಿ ನಿಗದಿತ ಕೋವಿಡ್ ಆಸ್ವತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಇದನ್ನೂ ಓದಿ:ವಿಜಯಪುರ: ತೋಟದ ಬಾವಿಯಲ್ಲಿ ಅಡಗಿದ್ದ ಬೃಹತ್ ಮೊಸಳೆ ಸೆರೆ

ಹರಿಹರದ 63 ವರ್ಷದ ಪುರುಷ, ಹುಚ್ಚವ್ವನಹಳ್ಳಿಯ 36 ವರ್ಷ ಮಹಿಳೆ, ದಾವಣಗೆರೆ ಎಸ್‌ಕೆಎಸ್ ಬಡಾವಣೆಯ 50 ವರ್ಷದ ಪುರುಷ, ಕಾಟೇಹಳ್ಳಿ ಲಂಬಾಣಿ ತಾಂಡಾದ 36 ವರ್ಷದ ಪುರುಷ, ಹರಿಹರ ತಾಲೂಕು ಭಾನುವಳ್ಳಿಯ 26 ವರ್ಷದ ಯುವಕ ಹಾಗೂ ದಾವಣಗೆರೆ ಡಿಸಿಎಂ ಕ್ವಾಟ್ರಸ್‌ನ  73 ವರ್ಷದ ಪುರುಷ ಮೃತಪಟ್ಟಿದ್ದಾರೆ.

ಹೊಸದಾಗಿ ದಾವಣಗೆರೆ ತಾಲೂಕಿನಲ್ಲಿ  243, ಹರಿಹರ ತಾಲೂಕಿನಲ್ಲಿ  53, ಜಗಳೂರು ತಾಲೂಕಿನಲ್ಲಿ  21, ಚನ್ನಗಿರಿ ತಾಲೂಕಿನಲ್ಲಿ  29,  ಹೊನ್ನಾಳಿ ತಾಲೂಕಿನಲ್ಲಿ  21, ಹೊರ ಜಿಲ್ಲೆಯ 19  ಸೇರಿ ಒಟ್ಟು  386 ಪ್ರಕರಣಗಳು ವರದಿಯಾಗಿವೆ.

ಜಿಲ್ಲೆಯಲ್ಲಿ  ಈವರೆಗೆ ಒಟ್ಟು  26476ಪ್ರಕರಣಗಳು ದಾಖಲಾಗಿದ್ದು  24096 ಮಂದಿ ಸಂಪೂರ್ಣ ಗುಣಮುಖರಾಗಿದ್ದಾರೆ. ಈವರೆಗೆ 283 ಜನರ ಸಾವು ಸಂಭವಿಸಿದ್ದು ಪ್ರಸ್ತುತ 2097 ಸಕ್ರಿಯ ಪ್ರಕರಣಗಳು ಇವೆ.