ಆರೆಸ್ಸೆಸ್‌ ಶಾಲೆಯಲ್ಲಿ ಮುಸ್ಲಿಂ ಮಕ್ಕಳ ಸಂಖ್ಯೆ ಶೇ.30 ಹೆಚ್ಚಳ

ಅಲಹಾಬಾದ್‌: ಆರೆಸ್ಸೆಸ್‌ನ ಶೈಕ್ಷಣಿಕ ಘಟಕವಾದ ವಿದ್ಯಾಭಾರತಿ ಉತ್ತರಪ್ರದೇಶದಲ್ಲಿ ನಡೆಸುತ್ತಿರುವ ಶಾಲೆಗಳಲ್ಲಿ ಮುಸ್ಲಿಂ ವಿದ್ಯಾರ್ಥಿಗಳ ಸಂಖ್ಯೆ ಗಣನೀಯವಾಗಿ ಏರಿಕೆಯಾಗಿದೆ.

ಕಳೆದ ಮೂರು ವರ್ಷಗಳಲ್ಲಿ ಇವರ ಪ್ರಮಾಣ ಶೇ.30ರಷ್ಟು ಹೆಚ್ಚಳವಾಗಿದೆ. ಸುಮಾರು 12 ಸಾವಿರ ಮುಸ್ಲಿಮರು ಮತ್ತು ಕ್ರಿಶ್ಚಿಯನ್ನರು ಈ ಶಾಲೆಗಳಲ್ಲಿ ಶಿಕ್ಷಣ ಪಡೆಯುತ್ತಿದ್ದಾರೆ. ಜತೆಗೆ, ಆ ಮಕ್ಕಳು ಶ್ಲೋಕ ಹಾಗೂ ಭೋಜನ ಮಂತ್ರಗಳನ್ನೂ ಪಠಿಸುತ್ತಾರೆ. ಕಲಿಕೆ ಹಾಗೂ ಕ್ರೀಡೆಯಲ್ಲೂ ಮುಂದಿದ್ದಾರೆ ಎಂದು ವಿದ್ಯಾಭಾರತಿ ಹೆಚ್ಚುವರಿ ಕಾರ್ಯದರ್ಶಿ ಚಿಂತಾಮಣಿ ಸಿಂಗ್‌ ಹೇಳಿದ್ದಾರೆ.