ಕಾರು -ವ್ಯಾನ್‌ ಢಿಕ್ಕಿ : ಮೂವರ ಸಾವು; ನಾಲ್ವರು ಗಂಭೀರ

ಬಹರೇಚ್‌,ಉತ್ತರ ಪ್ರದೇಶ : ಇಂದು ಬೆಳಗ್ಗೆ ಇಲ್ಲಿನ ಲಕ್ನೋ – ಬಹರೇಚ್‌ ರಸ್ತೆಯಲ್ಲಿ ವ್ಯಾನ್‌ ಗೆ ಕಾರು ಢಿಕ್ಕಿಯಾದ ಭೀಕರ ಅಪಘಾತದಲ್ಲಿ ಮೂವರು ಮೃತಪಟ್ಟು ಇತರ ನಾಲ್ವರು ಗಂಭೀರವಾಗಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ.

ಫ‌ಕರ್‌ಪುರ ಪೊಲೀಸ್‌ ಠಾಣೆ ವ್ಯಾಪ್ತಿ ಪ್ರದೇಶಕ್ಕೆ ಒಳಪಡುವ ಸಂತ ಪಥಿಕ್‌ ಶಾಲೆಯ ಸಮೀಪ ಈ ಅವಘಡ ಸಂಭವಿಸಿತು.

ಮೃತರನ್ನು ಸಜ್ಜದ್‌ 25, ಮತ್ತು ಆತನ ಆತನ ಸಹೋದರ ಕರೀಮ್‌ 27 ಎಂದು ಗುರುತಿಸಲಾಗಿದೆ. ಗಂಭೀರವಾಗಿ ಗಾಯಗೊಂಡವರ ಪೈಕಿ ಸಂಧೀಸ್‌ 22 ಜಿಲ್ಲಾ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು ಎಂದು ಎಸ್‌ಪಿ ಸಭಾರಾಜ್‌ ಸಿಂಗ್‌ ತಿಳಿಸಿದರು.