ಪ್ರಧಾನಿ ಮೋದಿ 6 ತಿಂಗಳಲ್ಲಿ ಪಡೆದ 2772 ಗಿಫ್ಟ್ ಹರಾಜು; ಉದ್ದೇಶ ಏನು ಗೊತ್ತಾ?

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಕಳೆದ ಆರು ತಿಂಗಳಲ್ಲಿ ಪಡೆದಿರುವ 2,772 ಗಿಫ್ಟ್ (ಉಡುಗೊರೆ)ಗಳನ್ನು ಸೆಪ್ಟೆಂಬರ್ 14ರಿಂದ ಹರಾಜು ಹಾಕುವುದಾಗಿ ಕೇಂದ್ರ ಸಂಸ್ಕೃತಿ ಸಚಿವ ಪ್ರಹ್ಲಾದ್ ಪಟೇಲ್ ಬುಧವಾರ ತಿಳಿಸಿದ್ದಾರೆ.

ಪ್ರಧಾನಿ ಮೋದಿ ಅವರು ಸ್ವೀಕರಿಸಿದ ಉಡುಗೊರೆಗಳನ್ನು www.pmmementos.gov.in ಎಂಬ ಅಂತರ್ಜಾಲ ತಾಣದಲ್ಲಿ ಹರಾಜು ಹಾಕಲಾಗುವುದು. ಈ ಹರಾಜು ಪ್ರಕ್ರಿಯೆ ಅಕ್ಟೋಬರ್ 3ರಂದು ಅಂತ್ಯಗೊಳ್ಳಲಿದೆ.

ಹರಾಜಿನಲ್ಲಿ ಖರೀದಿಸುವ ಮೋದಿ ಅವರ ಉಡುಗೊರೆ ಬೆಲೆ 200 ರೂಪಾಯಿಂದ, 2.5 ಲಕ್ಷ ರೂಪಾಯಿವರೆಗೆ ಇರುವುದಾಗಿ ವರದಿ ತಿಳಿಸಿದ್ದು, ಹರಾಜಿನಲ್ಲಿ ಸಂಗ್ರಹವಾದ ಹಣವನ್ನು ನಮಾಮಿ ಗಂಗೆ ಯೋಜನೆಗೆ ಬಳಸಿಕೊಳ್ಳಲಾಗುವುದು ಎಂದು ಪಟೇಲ್ ತಿಳಿಸಿದ್ದಾರೆ.