Mumbai; 2005ರ ಭೀಕರ ಪ್ರವಾಹ ನೆನಪಿಸಿದ ಮಳೆ!:19 ವರ್ಷ ಹಿಂದಿನ ಸ್ಥಿತಿ ಮರುಕಳಿಸಲಿದೆಯೇ?

ಮುಂಬಯಿ: ಶುಕ್ರವಾರವೂ ಮುಂಬ ಯಿಯಲ್ಲಿ ಭಾರೀ ಮಳೆ ಮುಂದುವರಿದಿದ್ದು, ಜನರಿಗೆ 2005ರ ಭೀಕರ ಪ್ರವಾಹ ಮರುಕಳಿಸಲಿದೆಯೇ ಎಂಬ ಭೀತಿ ಆವರಿಸತೊಡಗಿದೆ.

19 ವರ್ಷಗಳ ಹಿಂದೆ (ಜು.26, 2005) ಮುಂಬಯಿ ಭಾರೀ ಪ್ರವಾಹಕ್ಕೆ ತುತ್ತಾಗಿತ್ತು. ಕೆಲವೇ ಗಂಟೆಗಳಲ್ಲಿ 900 ಮಿ.ಮೀ. ಮಳೆಯಾಗಿತ್ತು. ಇದು ನಗರದ ಇತಿಹಾಸದಲ್ಲೇ ಅತ್ಯಂತ ಭೀಕರ ಪ್ರಾಕೃತಿಕ ವಿಕೋಪವಾಗಿತ್ತು. ಈಗ ಸುರಿಯುತ್ತಿರುವ ಧಾರಾಕಾರ ಮಳೆಯಿಂದ ಮತ್ತೆ ಅದೇ ಸ್ಥಿತಿ ನಿರ್ಮಾಣವಾಗಲಿದೆಯೇ ಎಂಬ ಪ್ರಶ್ನೆ ಹುಟ್ಟುಹಾಕಿದೆ. ಮುಂಬಯಿಯಲ್ಲಿ ಸಾಮಾನ್ಯವಾಗಿ ವರ್ಷಕ್ಕೆ 2000 ಮಿ.ಮೀ. ಮಳೆಯಾಗುತ್ತದೆ. ಆದರೆ ಈ ಬಾರಿ ಇದರ ಶೇ.78ರಷ್ಟು ಮಳೆ ಕೇವಲ ಒಂದೇ ತಿಂಗಳಲ್ಲಿ ಆಗಿದೆ.

ದೂಧ್‌ಸಾಗರ್‌ ಬಳಿ ಭೂಕುಸಿತ

ಗೋವಾ- ಕರ್ನಾಟಕ ಗಡಿಯಲ್ಲಿನ ದೂಧ್‌ಸಾಗರ್‌-ಸೋನೌಲಿಮ್‌ ನಡುವಿನ ಆಗ್ನೇಯ ರೈಲು ಮಾರ್ಗದಲ್ಲಿ ಶುಕ್ರವಾರ ಭೂಕುಸಿ ತದಿಂದ ರೈಲುಗಳ ಸಂಚಾರಕ್ಕೆ ಅಡ್ಡಿ ಆಗಿತ್ತು. ಲೋಂಡಾ- ತಿನೈಘಾಟ್‌ ಮಾರ್ಗದಲ್ಲಿ ಮರ ಬಿದ್ದು, ವಿದ್ಯುತ್‌ ಪೂರೈಕೆ ವ್ಯತ್ಯಯ ಉಂಟಾಗಿತು.