20 ಭಾರತೀಯ ಮೀನುಗಾರರನ್ನು ಬಿಡುಗಡೆ ಮಾಡಿದ ಪಾಕಿಸ್ತಾನ

ಕರಾಚಿ: ಪಾಕಿಸ್ತಾನದ ಸಮುದ್ರ ಪ್ರದೇಶದಲ್ಲಿ ಮೀನುಗಾರಿಕೆ ಮಾಡಿದ ಆರೋಪದಲ್ಲಿ ಬಂಧಿತರಾಗಿದ್ದ 20 ಭಾರತೀಯ ಮೀನುಗಾರರನ್ನು ಪಾಕಿಸ್ತಾನ ಭಾನುವಾರ ಬಿಡುಗಡೆ ಮಾಡಿದೆ.

ಕರಾಚಿಯ ಲಾಂಧಿ ಪ್ರದೇಶದಲ್ಲಿರುವ ಮಲಿರ್‌ ಜಿಲ್ಲಾ ಕರಾಗೃಹದಲ್ಲಿದ್ದ ಮೀನುಗಾರರನ್ನು ಈಧಿ ಟ್ರಸ್ಟ್‌ಗೆ ಹಸ್ತಾಂತರಿಸಲಾಗಿದೆ. ಅವರನ್ನು ಟ್ರಸ್ಟ್‌ ಅಧಿಕಾರಿಗಳು ವಾಘಾ ಗಡಿ ಮೂಲಕ ಲಾಹೋರ್‌ಗೆ ಕಳುಹಿಸಿಕೊಡಲಿದ್ದಾರೆ.

“ಈಗ ಬಿಡುಗಡೆಯಾಗಿರುವ ಮೀನುಗಾರರನ್ನು 2018ರ ಜೂನ್‌ನಲ್ಲಿ ಬಂಧಿಸಲಾಗಿತ್ತು’ ಎಂದು ಜೈಲಿನ ಅಧಿಕಾರಿ ಮೊಹಮದ್‌ ಇರ್ಷದ್‌ ತಿಳಿಸಿದ್ದಾರೆ.