ಜಮ್ಮು ಮತ್ತು ಕಾಶ್ಮೀರ :17 ನಾಯಕರು ಕಾಂಗ್ರೆಸ್‌ಗೆ ವಾಪಸ್‌

ಶ್ರೀನಗರ: ಹಿರಿಯ ರಾಜಕಾರಣಿ ಗುಲಾಂ ನಬಿ ಆಜಾದ್‌ ನೇತೃತ್ವದ ಡೆಮಾಕ್ರಟಿಕ್‌ ಆಜಾದ್‌ ಪಕ್ಷದ(ಎಡಿಪಿ)17 ಮಾಜಿ ನಾಯಕರು ಶುಕ್ರವಾರ ಕಾಂಗ್ರೆಸ್‌ಗೆ ಮರು ಸೇರ್ಪಡೆಗೊಂಡಿದ್ದು, ಇದು ಕಣಿವೆಯಲ್ಲಿ ನಬಿ ಅವರ ಭಾರೀ ದೊಡ್ಡ ಹಿನ್ನಡೆಗೆ ಕಾರಣವಾಗಿದೆ.

ಕಾಂಗ್ರೆಸ್‌ ತೊರೆದಿದ್ದ ನಬಿ, ತಮ್ಮಂತೆಯೇ ಕಾಂಗ್ರೆಸ್‌ ತೊರೆದಿದ್ದ ಕಣಿವೆಯ ನಾಯಕರೊಂದಿಗೆ ಸೇರಿ ಹೊಸ ಪಕ್ಷ ರೂಪಿಸಿದ್ದರು.

ಆದರೆ, ಶುಕ್ರವಾರ 17 ನಾಯಕರು ಕಾಂಗ್ರೆಸ್‌ಗೆ ಮರು ಸೇರ್ಪಡೆಗೊಂಡಿದ್ದಾರೆ. ಸೇರ್ಪಡೆಗೊಂಡವರನ್ನು ಸ್ವಾಗತಿಸಿದ ಎಐಸಿಸಿ ಪ್ರಧಾನಕಾರ್ಯದರ್ಶಿ ಕೆ.ಸಿ.ವೇಣುಗೋಪಾಲ್‌, 2 ತಿಂಗಳ ಬಳಿಕ ನಾಯಕೆಲ್ಲರೂ ತಮ್ಮ ಕುಟುಂಬಕ್ಕೆ ವಾಪಸಾಗಿದ್ದಾರೆ.

ಭಾರತ್‌ ಜೋಡೋ ಯಾತ್ರೆ ಕಾಶ್ಮೀರಕ್ಕೆ ಕಾಲಿಡುವ ಮುಂಚೆಯೇ ಪಕ್ಷ ಜೋಡಣೆಯಾಗುತ್ತಿದೆ ಎಂದಿದ್ದಾರೆ.