ಅಂಗೋಲಾ:ಫ‌ುಟ್‌ಬಾಲ್‌ ಗ್ರೌಂಡ್‌ನ‌ಲ್ಲಿ ಕಾಲ್ತುಳಿತಕ್ಕೆ 17 ಮಂದಿ ಬಲಿ 

ಲೌಂಡಾ:  ಆಫ್ರಿಕಾ ಖಂಡದ ದಕ್ಷಿಣ ಭಾಗದ ಅಂಗೋಲಾದ ಉತ್ತರ ಭಾಗದ ನಗರ ಉಜಿ ಎಂಬಲ್ಲಿ  ಫ‌ುಟ್‌ಬಾಲ್‌ ಗ್ರೌಂಡ್‌ನ‌ಲ್ಲಿ ಶುಕ್ರವಾರ ಸಂಭವಿಸಿದ ಕಾಲ್ತುಳಿತದಲ್ಲಿ 17 ಮಂದಿ ದಾರುಣವಾಗಿ ಸಾವನ್ನಪ್ಪಿದ್ದು ಹಲವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಎರಡು ಸ್ಥಳೀಯ ತಂಡಗಳ ನಡುವೆ ಪಂದ್ಯಾವಳಿ ಆರಂಭಕ್ಕೂ ಮುನ್ನ ಕ್ರೀಡಾ ಅಭಿಮಾನಿಗಳು ಗೇಟ್‌ ಮುರಿದು ಒಳ ನುಗ್ಗಿದ ಪರಿಣಾಮ ದುರಂತ ಸಂಭವಿಸಿದೆ. 

76 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು ಅವರನ್ನು ಆಸ್ಪತ್ರೆಗಳಿಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಐವರ ಸ್ಥಿತಿ ಚಿಂತಾಜನಕವಾಗಿದೆ. 

ಅಂಗೋಲಾ ಅಧ್ಯಕ್ಷ ಜೋಸ್‌ ಎಡ್‌ವಡೋ ಡೋಸ್‌ ಸಂಟೋಸ್‌ ಅವರು ದುರಂತದ ತನಿಖೆಗೆ ಆಗ್ರಹಿಸಿರುವುದಾಗಿ ವರದಿಯಾಗಿದೆ.