ಸೊಮಾಲಿಯಾ ಮುಳುಗುತ್ತಿದ್ದ ನೌಕೆಯಿಂದ 13 ಮಂದಿಯ ರಕ್ಷಣೆ

ಹೊಸದಿಲ್ಲಿ: ಸೊಮಾಲಿಯಾ ಸಮೀಪ ಮುಳುಗುತ್ತಿದ್ದ “ಅಲ್‌- ಹಮೀದ್‌’ ಎಂಬ ನೌಕೆಯನ್ನು ರಕ್ಷಿಸಲಾಗಿದೆ. ಈ ನೌಕೆಯಲ್ಲಿ ಭಾರತದ 13 ಮಂದಿ ಪ್ರಯಾಣಿಸುತ್ತಿದ್ದರು. ನೌಕೆ ಮುಳುಗುವುದನ್ನು ಅರಿತ ಅಲ್ಲೇ ಇದ್ದ ನೌಕಾಪಡೆಯ “ಐಎನ್‌ಎಸ್‌ ಸುಮೇಧ’ ಕೂಡಲೇ ಕಾರ್ಯಪ್ರವೃತ್ತವಾಗಿ ನೌಕೆಯಲ್ಲಿದ್ದವರನ್ನು ರಕ್ಷಿಸಿದೆ. ಗಲ್ಫ್ ಆಫ್ ಏಡನ್‌ನಲ್ಲಿ ಕಡಲ್ಗಳ್ಳರ ಹಾವಳಿ ವಿರುದ್ಧ ಐಎನ್‌ಎಸ್‌ ಸುಮೇಧ ಕಾರ್ಯಾಚರಣೆ ನಡೆಸುತ್ತಿದೆ. ಅಲ್‌-ಹಮೀದ್‌ ನೌಕೆಯ ಎಂಜಿನ್‌ನಲ್ಲಿ ತೊಂದರೆ ಕಾಣಿಸಿಕೊಂಡಿದ್ದರಿಂದ ಈ ಸಮಸ್ಯೆ ಉಂಟಾಗಿದೆ. ಭಾರತೀಯ ನೌಕಾಪಡೆಯ ತಜ್ಞರು ನೌಕೆಯನ್ನು ತೀರಕ್ಕೆ ಎಳೆದು ತಂದಿದ್ದಾರೆ.