ಕೋವಿಡ್-19 ಗೆದ್ದ ಸ್ಪೇನ್‌ನ ಅಜ್ಜಿ

ಮ್ಯಾಡ್ರಿಡ್‌: ಸ್ಪೇನ್‌ನಲ್ಲಿ ಕೋವಿಡ್-19 ಗೆ ಈ ತನಕ ಇಪ್ಪತ್ತೆರಡು ಸಾವಿರ ಜನ ಅಸುನೀಗಿದ್ದಾರೆ. ಸುಮಾರು 92 ಸಾವಿರ ಜನ ಚೇತರಿಸಿ­ಕೊಂಡಿದ್ದಾರೆ. ಇವರೆಲ್ಲರ ಮಧ್ಯೆ 106 ವರ್ಷದ ಅಜ್ಜಿ ಆನಾ ಡೆಲ್‌ ವಾಲೆ ಕೋವಿಡ್-19ವನ್ನು ಮೆಟ್ಟಿ ನಿಂತು ಸುದ್ದಿಯಾಗಿದ್ದಾರೆ.

ವಿಶೇಷ ಅಂದರೆ ಈ ಅಜ್ಜಿ 102 ವರ್ಷದ ಹಿಂದೆ ಅಂದರೆ, 1918ರಲ್ಲಿ ಕಾಣಿಸಿಕೊಂಡ ಸ್ಪ್ಯಾನಿಶ್‌ ಫ‌ೂÉ ಸಾಂಕ್ರಾ­ಮಿಕ­ದಿಂದ ಪಾರಾಗಿದ್ದರು. ಆಗ ಈಕೆ 5 ವರ್ಷದ ಹುಡುಗಿ. ಈಗ ಕೋವಿಡ್-19 ದಿಂದ ಪಾರಾಗಿ ಎರಡು ದೈತ್ಯ ಸಾಂಕ್ರಾಮಿಕ ರೋಗವನ್ನು ಯಶಸ್ವಿಯಾಗಿ ಎದುರಿಸಿದ ಕೀರ್ತಿ ಪಡೆದಿದ್ದಾರೆ ಎಂದು ಸ್ಥಳೀಯ ಪತ್ರಿಕೆ “ದಿ ಆಲೀವ್‌ ಪ್ರಸ್‌’ ವರದಿ ಮಾಡಿದೆ. ಅಜ್ಜಿ ಸ್ಪೇನ್‌ನ ಆಲ್ಕಾ ಡೆಲ್‌ ವಾಲೆಯಲ್ಲಿ ವಾಸಿಸುತ್ತಿದ್ದರು. ಈಕೆಯನ್ನು ಒಳಗೊಂಡಂತೆ 60 ಜನಕ್ಕೆ ಕೋವಿಡ್-19 ಸೋಂಕು ಹರಡಿದ್ದರಿಂದ ಆಸ್ಪತ್ರೆಗೆ ದಾಖಲು ಮಾಡಿದ್ದರು. ಕೆಲವು ದಿನಗಳ ಹಿಂದೆ ಅಜ್ಜಿ ಕೋವಿಡ್-19ದಿಂದ ಚೇತರಿಸಿಕೊಂಡು ಮನೆಗೆ ವಾಪಸ್ಸಾಗಿದ್ದಾರೆ ಎಂದು ವರದಿಯಾಗಿದೆ.