1 ಲಕ್ಷ ಡಾಲರ್‌ ಪರಿಹಾರ ; ಭಾರತೀಯನಿಗೆ ಅಮೆರಿಕದಲ್ಲಿ ನ್ಯಾಯ 

ನ್ಯೂಯಾರ್ಕ್‌: ವಿಕಲಚೇತನ ಪುತ್ರನನ್ನು ನೋಡಿಕೊಳ್ಳುವ ಸಲುವಾಗಿ ವರ್ಗಾವಣೆ ಕೇಳಿದ ಭಾರತ ಮೂಲದ ಅಶೋಕ ಪೈ ಎಂಬುವರನ್ನು ಅಮೆರಿಕದಲ್ಲಿನ ಉದ್ಯೋಗದ ಸಮಾನ ಅವಕಾಶಗಳ ಆಯೋಗ (ಇಇಓಸಿ) ನ್ಯಾಯ ದೊರಕಿಸಿಕೊಟ್ಟಿದೆ. 

ಅವರಿಗೆ 1 ಲಕ್ಷ ಅಮೆರಿಕನ್‌ ಡಾಲರ್‌ ಪರಿಹಾರ ನೀಡುವಂತೆ ವಜಾ ಮಾಡಿದ್ದ ಸಂಸ್ಥೆಗೆ ಸೂಚಿಸಲಾಗಿದೆ. ಪೈ ಕೆಲಸ ಮಾಡುತ್ತಿದ್ದ ಕೇಂಬರ್‌ ಕಾರ್ಪೊರೇಷನ್‌ಗೆ ಈ ದಂಡ ವಿಧಿಸಲಾಗಿದೆ. 25 ವರ್ಷ ಗಳ ಹಿಂದೆ ಕಾರು ಅಪಘಾತದಿಂದ  ಪೈ ಅವರ ಪುತ್ರ ವಿಕಲಚೇತನರಾಗಿದ್ದಾರೆ. ಹೀಗಾಗಿ, ಅವರು ವರ್ಗಾವಣೆ ಕೇಳಿದ್ದರು. ಅದನ್ನು ಒಪ್ಪದಿದ್ದ ಸಂಸ್ಥೆ ಅವರ ಅನುಭವಕ್ಕಿಂತ 20 ವರ್ಷ ಕೆಳಗಿನ ವ್ಯಕ್ತಿಯನ್ನು ನೇಮಕ ಮಾಡಿತ್ತು.